Opening hours

12.03.24 Hugleiðum list í hádeginu í Listasafni Einars Jónssonar

Annan þriðjudag í hverjum mánuði kl: 12:10-12:50 er boðið upp á stutta og tilraunakennda leiðsögn í Listasafni Einars Jónssonar.

Sérfræðingar safnsins taka á móti gestum og rýna í eitt eða fleiri listaverk þar sem ýmislegt tengt arfleið safnsins er skoðað með hæglæti að leiðarljósi. Markmiðið er að velta upp spurningum í óformlegu spjalli sem varpa mögulega ljósi á óvænta þræði og tengingar.
Áhersla er lögð á sjónræna nálgun og tilraunir gerðar með aðferð sjónrænnar hugsunar á söfnum (e. Visible Thinking in the Museum VTM). Aðferðin er leið til að skoða, lýsa og túlka listaverk gegnum myndlæsi í þeim tilgangi að öðlast dýpri skilning á þeim.
Aðgangseyrir að safninu og árskort gildir sem aðgöngumiði í leiðsögn.

Til baka